Kryeministri Edi Rama nga takimi me gratë dhe vajzat në Elbasan, ka ironizuar opozitën duke thënë se një sallë të tillë, kaq plotë, nuk e kapin dot kurrë.
Gjithashtu ai deklaroi se fakti që PS është kaq e organizuar është falë grave dhe vajzave që janë në poste drejtuese.
Rama: Erdhi këneta para ca kohësh, i kishte mbledh burrat nga të gjitha anës. Por kaq plot dhe kaq të bukur nuk e kap dot kurrë.
Dua t’ju them shumë drejtpërdrejtë, pavarësisht se të tjerët përpiqen të thonë të kundërtën, nuk do ishte arritur dot nëse ne nuk do arrinim të bënim fuqizimin e grave dhe vajzave.
Është e rëndësishme që e kanë kuptuar burrat që grave nuk u duhen lënë vetëm punët e shtëpisë, por duhet të ndajnë misionin, sfidat dhe gjykimet për të marrë vendimet e duhura.
Pikërisht pse kemi kaq shumë gra në drejtim, kam besim që do të kemi partinë më të mirë historikisht në këto zgjedhje në organizim. 52% të listës së mbyllur e kemi me gra dhe vajza dhe besoj se sot Shqipëria është në një moment historik dhe nuk duhet ta humbasë. Sepse më 11 maj votojmë për të gjitha gjërat.
Do votojmë patjetër edhe për të gjitha ato që ka nevojë ky qark, Elbasani, Peqini, Belshi, Gramshi, Librazhdi, por aty ku duhet këmbëngulja e të gjitha grave, është se do të votojmë për një mundësi që fati e desh që të na vinte neve në dorë, për t’i dhënë pasaportën europiane të gjithë fëmijëve të Shqipërisë./E.S
