Ndërsa pjesa më e madhe e energjisë elektrike është rikthyer gjatë natës, gjendja e jashtëzakonshme mbetet në fuqi në Spanjë këtë mëngjes, ndërsa rikuperimi nga ndërprerja e energjisë vazhdon.
Statusi i emergjencës do të zbatohet në rajonet që e kërkojnë atë, thonë zyrtarët.
Deri më tani, Madridi, Andaluzia dhe Ekstremadura kanë kërkuar që qeveria qendrore të marrë përsipër rendin publik dhe funksione të tjera.
17 rajonet e Spanjës kanë autoritetet e tyre të zgjedhura drejtpërdrejt, të cilat merren me një numër çështjesh lokale në zonën e tyre.
Por kur ndodhin ngjarje të mëdha që ndikojnë në pjesë të mëdha të vendit, rajonet janë në gjendje të marrin ndihmë të mëtejshme nga qeveria kombëtare duke kërkuar futjen e një gjendjeje të jashtëzakonshme.
Red Eléctrica, organi pjesërisht në pronësi të shtetit që operon rrjetin kombëtar të energjisë elektrike të Spanjës, raportoi në orën 04:00 se 87% e energjisë elektrike ishte rikthyer.
Autoritetet ende nuk kanë përcaktuar arsyen e ndërprerjes së energjisë tha kryeministri Sanchez, pasi homologu i tij portugez Luis Montenegro këmbënguli se nuk kishte “asnjë tregues” të një sulmi kibernetik.
Organi tregtar që përfaqëson industrinë e energjisë në Evropë i tha më herët së se një problem ndodhi me lidhjen energjetike midis Francës dhe Spanjës më herët gjatë ditës së hënë.
Kristian Ruby, sekretari i përgjithshëm i EURELECTRIC, e përshkruan gjithashtu ndërprerjen si një “incident 50-vjeçar, nëse jo 100-vjeçar… diçka shumë shumë e rrallë”. /e.t
