Një fëmijë ka dëmtuar një pikturë shumë të vlefshme të artistit amerikan Mark Rothko në Muzeun Boijmans Van Beuningen në Rotterdam.
Piktura Grey, Orange on Maroon, No. 8, e cila vlen deri në 50 milionë euro, është gërvishtur në pjesën e poshtme.
Muzeu tha se dëmi ndodhi gjatë një momenti pa mbikëqyrje. Sipas tyre, dëmi është sipërfaqësor, por i dukshëm, pasi piktura nuk ka një shtresë mbrojtëse.
Ekspertët thonë se veprat e Rothko-s janë të vështira për t’u restauruar për shkak të materialeve që ai përdorte dhe ngjyrave të forta, ku edhe dëmet më të vogla duken menjëherë.
Piktura ndodhej në një hapësirë publike të muzeut, ku ruhen dhe ekspozohen vepra të dashura për vizitorët. Ky rast ka ngritur shqetësime edhe për muze të tjerë që planifikojnë të hapin arkivat për publikun, si në Britani.
Muzeu po punon me specialistë për të parë si mund të riparohet piktura, dhe shpreson ta ekspozojë përsëri në të ardhmen. /e.t
