Kryeministri dhe njëkohësisht kryesocialisti Edi Rama po zhvillon mesditën e kësaj të mërkure një takim me qytetarët në Kukës, në kuadër të fushatës elektorale.
Në fjalën e tij, Rama tha se shumë shqiptarë besojnë tek puna dhe planet e qeverisë.
Kryeministri Edi Rama u ndal edhe tel paga minimale që sipas tij do të jetë 500 euro, ndërsa paga mesatare në sektorin publik, siç u shpreh Rama do të jetë 1200 euro.
“Shumica e shqiptarëve besojnë se përmirësimi do të vijojë dhe se ekonomia e tyre do të jetë më e mirë. Por disa të tjerë thonë se populli është i çmendur dhe nuk ndalen në një moment dhe të mendojnë se mos ndoshta janë ata që jetojnë në një pikë të shkëputur nga realiteti dhe kanë krijuar një ide dhe një imazh tek i cili besojnë vet. Kjo është paga minimale që do të jepet, 500 euro duke filluar nga janari i 2026. Projeksioni jonë për pagën minimale në Shqipërinë 2030 është 650 euro. Në sektorin publik projeksioni për pagën mesatare do të jetë 1200 euro. Pensioni pas 2014 janë të gjitha të larta, para 2014 janë të gjitha të ulëta”, tha Rama.
