Kryeministri Edi Rama ka deklaruar sot se kur mori detyrën në vitin 2013, Shqipëria ndodhej në një situatë të ngjashme me kolapsin ekonomik të skemave piramidale. Në një deklaratë të fortë, ai tha se borxhi i fshehur ndaj kompanive private kishte paralizuar funksionimin e shtetit dhe kishte vënë në rrezik të plotë sistemin financiar.
“Populli e ka shpëtuar vendin në fije të perit,” tha Rama, duke përshkruar një panoramë të rëndë të trashëgimisë financiare që përfshinte shkolla pa shkumësa, pagesa të papaguara për invalidët dhe rrugë të lëna në mes, me tendera që hapnin vetëm gropa dhe propagandë pune.
Edi Rama: Borxhi i fshehur kishte bllokuar qeverinë.
Shqipëria në 2013 ishte në fije prag të kolapsit të dytë të ngjashëm me piramidat. Borxh ndaj kompanive ishte shumë i madh. Popuplli e ka shpëtuar vendin në fije të perit.
Asnjë rrugë nuk kishte përfunduar, ishin tendera për të hapur gropa gjithandej e për t’u rënë daulleve se po punojmë.
Nuk kishte shkumësa në shkolla, sepse nuk kishte më lekë.
Invalidët nuk kishin marrë më asnjë lek, 40 mln euro i kishte shteti atyre dilnin me karroca e paterica në protesta po i mbysnin në dru./E.S
