Nga Kavaja, kryeministri Edi Rama ka sulmuar kreun demokrat Sali Berisha, duke e cilësuar ‘gërmuq’, ndërsa tha se në zgjedhje nuk shkojmë për krushqi, por “për kalin më të fortë që e udhëheq më shpejt karrocën e punëve tona”.
Rama iu drejtua demokratëve duke u thënë të mos e votojnë që të “mos hyjë në gjynah me mbajt plakun e huaj rrugëve që nuk lidh më as fjalët”
“Ne në zgjedhje nuk shkojmë për krushqi, por për kalin më të fortë që e udhëheq më shpejt karrocën e punëve tona. Si mund të zgjedhësh një gërmuq vetëm se është kali i Nahijes tënde. Si mund të vazhdohet mor se nuk e kuptoj. Si mund ta vazhdohet se ma tha bukur një zonjë. Gjithë jetën naa kanë thënë duhet të kujdesemi për pleqtë, si mund të zgjedhim një plak të na udhëheq ne. Ore kush është demokrat, për njerëzillik nuk duhet ta votojë kënetën që të mos hyjë në gjynah me mbajt plakun e huaj rrugëve që nuk lidh më as fjalët. Është të hysh në gjynah”, tha Rama./e.t
