Nën qiellin e hapur të Sheshit të Shën Pjetrit dhe përballë një turme prej qindra mijëra besimtarësh dhe liderësh botërorë, Papa Leoni XIV ka nisur meshën e tij të parë solemne si udhëheqës i Kishës Katolike.
Me një meshë solemne në Sheshin e Shën Pjetrit, Papa Leo XIV u kurorëzua zyrtarisht si udhëheqësi i ri i Kishës Katolike, duke shënuar fillimin e papatit të tij pas vdekjes së Papa Françeskut.
Një detaj që po bën bujë në rrjet është shkelja e protokollit nga Papa Leo XIV, i cili gjatë përshëndetjeve me delegacionet në fund të ceremonisë së inaugurimit, përqafoi vëllain e tij.
Pasi shtrëngoi duart me JD Vance dhe Marco Rubio, vëllai Louis iu afrua Papës duke shkëmbyer përqafime me njëri-tjetrin.
Nuk ka një ndalim absolut nga ana e Kishës Katolike që ia ndalon Papës të takojë të afërmit por ka disa arsye tradicionale dhe praktike pse kjo ndodh rrallë apo me shumë kujdes, dhe ndonjëherë perceptohet si ndalim.
Kur një kardinal zgjidhet Papë, ai simbolikisht “shkëputet” nga jeta e mëparshme dhe bëhet “Ati i të gjithë katolikëve”.
Kjo është pjesë e një sakrifice personale, duke i vënë përkushtimin ndaj kishës mbi lidhjet private. Papa është një nga figurat më të mbrojtura në botë.
Takimet e tij kontrollohen nga Zyra e Sigurisë Vatikanit dhe Gardianët Zviceranë, dhe çdo vizitë e familjarëve kërkon aprovim të posaçëm.
Në fjalimin e tij inaugural, Papa Leo XIV u bëri thirrje kardinalëve dhe besimtarëve të krishterë që të bashkohen në forcimin e vlerave të besimit dhe në rigjallërimin shpirtëror të Kishës. m.p.
