Pas përfundimit të numërimit të zarfeve me votat e diasporës për subjektet politike, në Parkun Olimpik është duke u vijuar me numërimin e votave preferianciale.
Sipas përditësimit të bërë së fundmi nga Komisioni Qendror i Zgjedhjeve, deri më tani janë numëruar 17430 zarfe nga 43157 në total.
Ai që kryeson listën te socialistët është Erjon Braçe me 1234 vota, i ndjekur më pas nga Blendi Gonxhja me 925 vota, ndërsa në vendin e tretë qëndron Pandeli Majko, veterani tjetër i socialistëve i cili nuk arriti dot të siguronte mandatin për Kuvendin e ri.
Ndërkohë nga radhët e bluve është doktor Ilir Alimehmeti ai i cili mesa duket ka besimin e diasporës. Deri më tani për të kanë votuar 785 shqiptarë, ndërsa në vendin të dytë qëndron Jorida Tabaku me 651 vota.
Theksojmë se “lufta” mes Alimehmetit dhe Tabakut ka qenë e fortë dhe në qarkun e Tiranës. Votat ndaj tyre dëshmuan dhe njëherë që shqiptarët kërkojnë në Kuvendin e Shqipërisë figura politike të cilët ndryshe nga disa eksponentë të tjerë të demokratëve, ata kanë vendosur që të bëjnë politikë përmes dialogut dhe një fryme më të qetë. m.p.
