Rusia planifikon të kryejë lëshimin e një rakete balistike ndërkontinentale për të frikësuar Ukrainën dhe Perëndimin sonte, sipas agjencisë së inteligjencës ushtarake të Ukrainës.
Sipas mediave të huaja, që citojnë agjencinë GUR, lansimi do të bëhet nga rajoni Sverdlovsk i Rusisë.
Po ashtu, agjencia shtoi se rrezja e fluturimit për raketën ishte më shumë se 6,200 milje, shkruan A2 CNN.
Një deklaratë nga GUR tha: “Me qëllim që të ushtrojë presion dhe frikësojë në mënyrë demonstrative Ukrainën, si dhe shtetet anëtare të BE-së dhe NATO-s, shteti agresor i Rusisë synon të bëjë një lëshim ‘stërvitor dhe luftarak’ të raketës balistike ndërkontinentale RS-24 nga kompleksi Yars.”
Nuk pati asnjë koment të menjëhershëm nga Rusia mbi këtë çështje, shkruan A2 CNN.
Rusia nuk u përgjigjet pyetjeve në lidhje me planet e saj për të testuar raketa bërthamore, detajet e të cilave i klasifikon si sekret ushtarak, megjithëse lëshon deklarata pas lëshimeve të tilla. m.p.
