Çfarë është infarkti i stomakut?
Ky lloj infarkti ndodh kur qarkullimi i gjakut në një pjesë të zorrëve bllokohet. Kjo mungesë e oksigjenit dhe lëndëve ushqyese çon në vdekjen e indeve të zorrëve – një proces i quajtur nekrozë. Në format akute, infarkti ndodh shpejt dhe kërkon ndërhyrje të menjëhershme mjekësore, përndryshe mund të ketë një fund tragjik. Sëmundja prek kryesisht njerëzit e moshuar, veçanërisht ata që vuajnë nga sëmundje kardiovaskulare si presioni i lartë i gjakut, fibrilacioni atrial ose ateroskleroza. Për këtë arsye, infarkti i zorrëve shpesh anashkalohet ose ngatërrohet me probleme të tjera më të lehta të tretjes.
Simptoma që nuk duhen anashkaluar
Shenjat e infarktit të stomakut mund të shfaqen papritur. Në shumicën e rasteve, simptoma e parë është dhimbje e fortë, difuze e barkut, e cila zakonisht shfaqet pas ngrënies. Manifestime të tjera të zakonshme përfshijnë të vjella, fryrje ose çrregullime të tranzitit të zorrëve – diarre apo kapsllëk. Në raste të rënda, mund të ketë gjak në jashtëqitje, ethe dhe humbje të shpejtë të peshës. Në format kronike, simptomat zhvillohen ngadalë, por çojnë në humbje të rënda në peshë, dehidrim dhe kequshqyerje. Pacientët madje mund të përfundojnë duke shmangur ushqimin nga frika e dhimbjes pas ngrënies.
Diagnostifikimi i vështirë, rrezik i lartë i komplikacioneve
Ishemia mezenterike është një urgjencë mjekësore që është e vështirë të diagnostikohet në fazat fillestare. Shumë simptoma mund të ngatërrohen me ato të kushteve të tjera të tretjes, gjë që vonon trajtimin dhe rrit rrezikun e komplikacioneve fatale./E.Ç
