Kryeministrja e Italisë, Giorgia Meloni, është bërë virale në rrjetet sociale gjatë pjesëmarrjes së saj në Samitin e Komunitetit Politik Europian në Tiranë, ku u prit nga kryeministri shqiptar Edi Rama, i cili u ul në gjunjë dhe e përqafoi në mënyrë miqësore.
Megjithëse ishte planifikuar që Meloni të vizitonte edhe kampin e Gjadrit në Lezhë për emigrantët, kjo pjesë e agjendës u anulua për shkak të impenjimeve të shumta.
Pas kthimit nga Tirana, duket se klima me reshje nuk i ka bërë mirë kryeministres italiane. Stafi i saj njoftoi se për shkak të etheve dhe lodhjes, Meloni ka anuluar të gjitha angazhimet për sot dhe nesër, përfshirë pjesëmarrjen në Festivalin e Rajonit në Venecia. Ajo është këshilluar të pushojë për të rikuperuar./E.T
