Një aeroplan japonez që udhëtonte nga Tokio për në Teksas bëri një ulje emergjente në Seattle pasi një pasagjer u përpoq të hapte një nga dyert e avionit gjatë fluturimit.
Fluturimi 114 i All Nippon Airëays (ANA) u devijua për në Seattle të shtunën, pas njoftimit për një pasagjer “të paqëndrueshëm”.
Policia e Seattle konfirmoi se burri, i cili ishte në një krizë shëndetësore, u përpoq të hapte dyert e daljes. Pasagjerët dhe stafi i fluturimit ndërhynë dhe e mbajtën nën kontroll derisa ai u dërgua në spital pas uljes së avionit.
Ndërkohë, një person tjetër u largua nga fluturimi në Seattle për sjellje të paqëndrueshme.
Fluturimi arriti në destinacionin e tij, Aeroportin Ndërkombëtar George Bush në Houston, katër orë pas kohës së parashikuar të mbërritjes.
Ky incident është pjesë e një sere ngjarjesh të ngjashme, përfshirë disa raste të tjera me pasagjerë që janë munduar të hapin dyer avionësh gjatë fluturimeve./E.T
