Belind Këlliçi ka folur rreth hapave që do të ndjekë kjo forcë politike pas humbjes së thellë në zgjedhjet e 11 majit.
Ai tha se fillimisht PD do të evidentojë krimin elektoral dhe më pas të gjithë ata që garuan më 11 maj do të japin llogari përpara strukturave për rezultatet e arritura.
“Mos kujtoni se po i shmangem unë apo ndokush tjetër përgjegjësive. Kushdo që ka garuar në zgjedhjet e 11 majit pa diskutim që do duhet të jetë subjekt i një analize të brendshme. Subjekt i matjes së performancës dhe subjekt i matjes së mënyrës si ka bërë fushatën elektorale dhe do duhet të japi llogari para demokratëve, para strukturave dhe forumeve të PD. Por tashmë jemi te kapitulli i parë që është evidentimi i asaj që ka ndodhur në 11 maj. Nuk po themi që të kemi pushtet në tavolinë por kërkesa është që në Shqipëri të ketë zgjedhje. Ky proces sot do të çohet deri në fund”, deklaroi Këlliçi në një media./e.t
