Interi ka arritur një marrëveshje me Olympique Marseille për transferimin e anësorit brazilian Luis Henrique. Zikaltërit do të paguajnë 23 milionë euro plus 2 milionë euro shtesë në bonuse, për një total prej 25 milionë eurosh.
Sipas Fabrizio Romano, Henrique, një anësor 23-vjeçar, do të nënshkruajë një kontratë shumëvjeçare me Interin që do ta lidhë atë me klubin deri në vitin 2030.
Pavarësisht interesit nga klube të tjera, përfshirë Juventusin dhe Nottingham Forestin, Henrique vendosi t’i bashkohej Interit.
Henrique pritet të forcojë konkurrencën në krahun e djathtë dhe mbërritja e tij vjen përpara finales së Ligës së Kampionëve që Interi do të luajë kundër PSG-së në Mynih të shtunën.
🚨⚫️🔵 EXCL: Luis Henrique to Inter, here we go! Verbal agreement in place for Brazilian winger to join from OM.
Presidents Marotta and Longoria got deal done today for €25m package, waiting to get sorted payment terms.
Luis will sign 5 year deal, ready for Club World Cup. pic.twitter.com/1ihHPT9Ntm
— Fabrizio Romano (@FabrizioRomano) May 28, 2025
Braziliani shënoi 9 gola dhe dha 10 asistime në 35 ndeshje në të gjitha garat për Marseille sezonin e kaluar, dhe më parë luajti për Botafogon./ D.C
