Franca do të jetë së bashku me Arabinë Saudite, kryesuese e një konference ndërkombëtare që do të mbahet nga 17 deri më 20 qershor në OKB në New York, me në fokus të ashtëquajturën zgjidhje me dy shtete për Izraelin dhe Palestinën.
Teksa pohoi se njohja e shtetit palestinez “nuk është vetëm një detyrim moral, por edhe një kërkesë politike”, presidenti francez Emmanuel Macron ka përmendur edhe disa kushte për hedhjen e këtij hapi.
“Kushtet që të njihet shteti palestinez përfshijnë lirimin e pengjeve nga Hamasi, “çmilitarizimin” e lëvizjes islamiste palestineze, “mospjesëmarrjen” e saj në qeverisjen e atij shteti, “reformimin e Autoritetit Palestinez”, njohjen e Izraelit dhe e “të drejtës së tij për të jetuar në siguri” nga ai shtet i ardhshëm, si dhe “krijimin e një arkitekture sigurie në të gjithë rajonin. Kjo është ajo për të cilën do të përpiqemi së bashku të angazhohemi në këtë moment të rëndësishëm më 18 qershor, dhe unë do të jem aty”, tha Macron.
Spanja, Kanada dhe Britania e Madhe kanë paralajmëruar ndërkohë se mund ta njohin një shtet palestinez. Sipas diplomatëve dhe ekspertëve, edhe Macron tashmë po ndjeshëm drejt njohjes së një shteti palestinez – një lëvizje kjo që mund ta zemërojë Izraelin dhe t’i thellojë përçarjet në Perëndim. m.p.
