Sot seancë plenare në Kuvend/ Në rend dite edhe ndryshimet në buxhetin e shtetit

113 563 lexime

124,178FansaPëlqeje

Mbahet sot në orën 10:00 seanca e radhës plenare në Kuvend, e dyta pas zgjedhjeve të 11 majit. Në orën 09:00, para nisjes së seancës, kryeparlamentarja Elisa Spiropali ka njoftuar edhe një konferencë për mediat.

Në rend të ditës në seancë plenare janë ndryshimet në buxhetin e shtetit 2025, si edhe për ndryshimet në ligjin për pajisjen e shtetasve shqiptarë me pasaportë jashtë shtetit dhe pajisjen me letërnjoftim elektronik.

Gjithashtu, do të diskutohen disa projektligje për ratifikimin e marrëveshjeve ndërkombëtare. Këto përfshijnë marrëveshje për mbrojtjen e biodiversitetit detar jashtë juridiksionit kombëtar, bashkëpunimin me Ukrainën për siguri dhe mbështetje afatgjatë, aderimin për themelimin e Zyrës Evropiane të Komunikacioneve, marrëveshje financimi me Fondin e Zhvillimit të Abu Dhabi-t dhe Bashkimin Evropian në fusha si doganat, energjia, digjitalizimi dhe punësimi i të rinjve. Po ashtu, do të shqyrtohet edhe një marrëveshje garancie me BERZH për OSHEE-në.

Në fokus do të jetë gjithashtu edhe projektligji për ratifikimin e marrëveshjes së financimit mes Shqipërisë dhe KE për programin operacional shumëvjeçar për ekonominë dhe shoqërinë dixhitale, për të cilin u diskutua pak ditë më parë edhe në mbledhjen e Komisionit të Jashtëm. Diskutohet edhe për një program me KE për punësimin e të rinjve dhe një tjetër për energjinë.

Kujtojmë që seanca e javës së kaluar, e para pas mbajtjes së zgjedhjeve, zgjati shumë pak minuta. PD e përdori seancën për të hedhur akuza ndaj qeverisë për manipulim dhe vjedhje zgjedhjesh.

II. Rendi i ditës i seancës plenare është si më poshtë:

1. Miratimi i procesverbalit të seancës plenare të datës 29.5.2025.

2. Njoftime.

Projektligji “Për ratifikimin e marrëveshjes sipas Konventës së Kombeve të Bashkuara për të drejtën e detit mbi ruajtjen dhe përdorimin e qëndrueshëm të diversitetit biologjik detar të zonave përtej juridiksionit kombëtar”.

Akti normativ nr. 3, datë 29.4.2025 “Për disa ndryshime dhe shtesa në ligjin nr. 115/2024 “Рër buxhetin e vitit 2025”.

Akti normativ nr. 4 “Për një shtesë në ligjin nr. 8668, datë 23.10.2000, “Për pajisjen e shtetasve shqiptarë me pasaportë për jashtë shtetit”, i ndryshuar.

Akti normativ nr. 5 “Për një shtesë në ligjin nr. 8952, datë 10.10.2002, “Për letërnjoftimin elektronik të shtetasve shqiptarë””, i ndryshuar.

7. Projektligji “Për ratifikimin e marrëveshjes për bashkëpunimin mbi sigurinë dhe mbështetjen afatgjatë ndërmjet Republikës së Shqipërisë dhe Ukrainës”.

Lexo edhe :  I nxehti po i plak njerëzit më shpejt

8. Projektligji “Për aderimin e Republikës së Shqipërisë në Konventën për Themelimin e Zyrës Evropiane të Komunikacioneve (ECO) Hagë, më 23 qershor 1993, të ndryshuar në Kopenhagë, më 9 prill 2002″.

9. Projektligji “Për ratifikimin e marrëveshjes së huas ndërmjet Këshillit të Ministrave të Republikës së Shqipërisë dhe Fondit për Zhvillim të Abu Dhabi-t për financimin “Mbështetjes për buxhetin e përgjithshëm mbi përpjekjet për zhvillim””.

10. Projektligji “Për ratifikimin e marrëveshjes ndërmjet Bashkimit Evropian dhe Republikës së Shqipërisë për pjesëmarrjen e Republikës së Shqipërisë në programin e Bashkimit “Doganat”, për bashkëpunim në fushën e doganave”.

11. Projektligji “Për ratifikimin e marrëveshjes së garancisë ndërmjet Republikës së Shqipërisë dhe Bankës Evropiane për Rindërtim dhe Zhvillim (BERZH) për marrëveshjen e huas ndërmjet Operatorit të Shpërndarjes së Energjisë Elektrike Group, sh.a., (OSHEE) dhe Bankës Evropiane për Rindërtim dhe Zhvillim për projektin e qëndrueshmërisë së OSHEE-së”.

12. Projektligji “Për ratifikimin e marrëveshjes së financimit ndërmjet Republikës së Shqipërisë, përfaqësuar nga Këshilli i Ministrave i Republikës së Shqipërisë, dhe Komisionit Evropian për programin operacional shumëvjeçar për punësimin e të rinjve, në favor të Republikës së Shqipërisë, për periudhën 2024-2027, në kuadër të Instrumentit të Asistencës së Paraanëtarësimit (IPА III)”.

13. Projektligji “Për ratifikimin e marrëveshjes së financimit ndërmjet Republikës së Shqipërisë, përfaqësuar nga Këshilli i Ministrave i Republikës së Shqipërisë, dhe Komisionit Evropian për programin operacional shumëvjeçar për ekonominë dhe shoqërinë digjitale, në favor të Republikës së Shqipërisë për periudhën 2024-2027, në kuadër të Instrumentit të Asistencës së Paraanëtarësimit (IPA III)”.

14. Projektligji “Për ratifikimin e marrëveshjes së financimit ndërmjet Republikës së Shqipërisë, përfaqësuar nga Këshilli i Ministrave i Republikës së Shqipërisë, dhe Komisionit Evropian për programin operacional shumëvjeçar për energjinë, në favor të Republikës së Shqipërisë, për periudhën 2024-2027, në kuadër të Instrumentit të Asistencës së Paraanëtarësimit (IPA III)”.

15. Diskutime për çështje jashtë rendit të ditës.

III. Ngarkohen shërbimet e Kuvendit për publikimin e rendit të ditës të seancës plenare, njoftimin anëtarëve të Kuvendit me anë të mjeteve të komunikimit elektronik, si dhe përgatitjen dokumentacionit parlamentar që do të shqyrtohet./kb

Të fundit

Tragjedia e Zagrebit, aksidenti i trenit ekspres që ndali kohën

Mëngjesi i 30 gushtit 1974 nisi si çdo ditë tjetër për udhëtarët e trenit ekspres Beograd–Dortmund, një linjë e...

Gjermania kalon pragun fatal, mbi 3 milionë të papunë për herë të parë në një dekadë

Papunësia në Gjermani ka kaluar për herë të parë pragun e 3 milionë personave në një dekadë, duke nxitur shqetësime të mëdha për ecurinë...

Horoskopi ditor, 30 Gusht 2025

Dashi  Hëna do të ketë ndikim të kundërt tek të lindurit e kësaj shenje, të cilët duhet të veprojnë me diplomaci. Ka shumë mundësi që...

30 gusht 1918 – Tre plumba për Leninin dhe nisja e Terrorit të Kuq

Në mbrëmjen e 30 gushtit 1918, një grua e re, Fanni Kaplan, qëlloi tre herë ndaj liderit bolshevik Vladimir Lenin, duke e plagosur rëndë...

U dëmtua në stërvitje, zbulohet sa do të mungojë Jashari te Milani

Ardon Jashari do të qëndrojë jashtë fushave për disa muaj. Mesfushori shqiptar, i transferuar për 39 mln euro te Milani gjatë merkatos së verës, u...

Lajme të tjera

Web TV