Kryebashkiaku i Tiranës, Erion Veliaj, i cili prej muajit shkurt mbahet i izoluar në burgun e Durrësit, do të rikthehet këtë të hënë në Gjykatën e Apelit të Posaçëm, ku ka kërkuar lirimin nga qelia.
Përmes avokatëve të tij, kryebashkiaku kërkon një masë më të butë sigurie, duke ofruar dhe vënë në dispozicion garanci pasurore.
Më herët, Veliaj përmes avokatëve ka dërguar rekurs edhe në Gjykatën e Lartë për masën e sigurisë por ende nuk është caktuar data e shqyrtimit dhe trupa gjykuese./E.T
