Deklarata e fortë e Netanyahut: Vrasja e Khameneit do ta mbyllte luftën me Iranin

113 563 lexime

124,178FansaPëlqeje

Izraeli u zgjua sërish nën zhurmën e sirenave të alarmit mëngjesin e së martës, teksa Irani lëshoi një valë të re raketash në kundërpërgjigje të sulmeve izraelite. Shpërthime të forta u dëgjuan në Jerusalem dhe Tel Aviv, ku u aktivizuan sistemet e mbrojtjes ajrore. Autoritetet iraniane thonë se gjatë natës kanë shkatërruar objektiva strategjikë duke përdorur dronë.

Shpërthime dhe bombardime nga ajri u dëgjuan edhe në Teheran, ndërsa Izraeli vijon pa u ndalur operacionin “Rising Lion”. Pasditen e së hënës në shënjestër u vu televizioni shtetëror i Iranit, i cili u godit nga një sulm i fuqishëm, i dëshmuar gjatë një transmetimi të drejtpërdrejtë. Sipas raportimeve, 3 punonjës mbetën të vrarë. Izraeli pretendon se kishte goditur me sukses të tjerë objektiva ushtarakë dhe se kishte vrarë Ali Shadmanin, kreun e Shtabit të Përgjithshëm të Forcave të Armatosura.

Në një fjalim televiziv, kryeministri Benjamin Netanjahu tha se Izraeli kishte dëmtuar në mënyrë të konsiderueshme programet balistike dhe bërthamore të Iranit, por shtoi se forcat e tij kishin nevojë për më shumë kohë.

“Nuk habitem që ata duan t’i rikthehen negociatave, pasi ne po i godasim rëndë në terren. Sigurisht që duan të ndalen – të ndalen dhe të vazhdojnë të ndërtojnë makineri vdekjeje, si armët bërthamore që kërcënojnë ekzistencën tonë, ashtu edhe raketat balistike. Jemi të detyruar të eliminojmë këto dy kërcënime. Nëse ka ndonjë mënyrë tjetër, na e thoni. Por ne ua dhamë një mundësi – 60 ditë.”

Në fjalimin e tij, Netanjahu nuk përjashtoi mundësinë e vrasjes së udhëheqësit suprem, Ajatollahut Ali Khamenei, duke besuar se diçka e tillë nuk do të përshkallëzonte konfliktin, por do t’i jepte fund atij.

Nga Teherani vijnë raportime për largime masive nga kryeqyteti, me radhë të gjata automjetesh nëpër rrugë dhe pika karburantesh. Qytetarët pyesin se si mund të largohen, teksa evakuimi i 10 milionë njerëzve është i vështirë.

Lexo edhe :  Tragjedi në ajër/ Përplaset helikopteri, humb jetën ministri i Mbrojtjes dhe i Mjedisit

Ministri i Jashtëm iranian, Abbas Araqchi, i ka kërkuar Katarit, Omanit dhe Arabisë Saudite të ndikojnë te Trump për të bindur Izraelin të ndalë luftën, duke shprehur gatishmëri për negociata./kb

Të fundit

“Alo, jam Zlatan!” Telefonata e Ibrahimovic tundoi Jasharin të zgjidhte Milanin?

Ardon Jashari ka përfunduar zyrtarisht transferimin e tij nga Club Brugge te Milani, me raportime nga Belgjika që tregojnë...

42% e martesave përfundojnë me divorc. Ekspertët zbulojnë arsyet

Mbajtja e një lidhjeje mund të konsiderohet diçka shumë e vështirë dhe 42% e martesave po përfundojnë me divorc. Ekspertët janë duke i hulumtuar...

Euro në pikiatë, Banka e Shqipërisë mban 6.7 miliardë euro rezerva valutore

Rezerva valutore ka vijuar rritjen në gjysmën e parë të këtij viti. Sipas të dhënave të Bankës së Shqipërisë, në fund të qershorit, vlera...

Franca përballet me zjarrin më të madh ndër dekada

Flakët kanë përfshirë në mënyrë të shpejtë dhe të pakontrolluar rajonin Aude, që ndodhet në jug të Francës. Zjarri tashmë është përhapur në një sipërfaqe...

Rrëzohet avioni, humbin jetën gjashtë persona

Një aeroplan i vogël që transportonte staf mjekësor u rrëzua këtë pasdite në një lagje me popullsi të dendur në kryeqytetin e Kenias, duke...

Lajme të tjera

Web TV