Sir Alex Ferguson pranon se e vlerëson Owen Hargreaves si blerjen e tij më të keqe si trajner i Manchester United.
Duke folur në dokumentarin e tij autobiografik, Never Give In, Ferguson kujtoi nënshkrimin e Hargreaves nga Bayern Munich në vitin 2007 për 25 milionë euro.
“Ne filluam të përgatisnim një ofertë për Hargreaves, por kisha dyshime. Nuk mora një ndjesi të mirë për nënshkrimin e tij,” zbuloi Ferguson.
“Menaxheri i tij ishte një njeri i mirë, një avokat. I thashë se te Manchester United mund ta ndihmonim të zhvillohej. Por doli të ishte një katastrofë”.
Koha e Hargreaves u kushtëzua nga dëmtimet pasi ai grumbulloi vetëm 39 paraqitje në katër sezone, me dy gola dhe dy asiste.
“Ai nuk kishte vetëbesim. Nuk tregoi vendosmëri për të kapërcyer sfidat fizike. Ishte një nga operacionet më zhgënjyese të karrierës sime”, shtoi Ferguson. m.p.
