Një aksident me pasojë plagosjen e dy personave ka ndodhur pasditen e kësaj të shtune në segmentin rrugor Pukë-Shkodër.
Burime bëjnë me dije se dy automjete janë përplasur në afërsi të kthesës së Danit. Dy të plagosurit janë dërguar në spitalin e Pukës për trajtim mjekësor ndërsa gjendja e tyre ende nuk bëhet me dije.
Sipas raportimeve, aktualisht aksi rrugor është i bllokuar për shkak të aksidentit ndërsa do të jetë i kalueshëm pas dokumentimit të ngjarjes.
Policia dhe grupi hetimor ndodhen në vendngjarje për të zbardhur shkaqet dhe rrethanat e aksidentit. m.p.
