Administrata Trump po përgatitet për një kundërpërgjigje të mundshme nga Irani pas sulmeve ndaj infrastrukturës bërthamore iraniane. Sipas NBC, që citon dy zyrtarë të Departamentit të Mbrojtjes dhe një zyrtar të lartë të Shtëpisë së Bardhë, 48 orët e ardhshme konsiderohen veçanërisht shqetësuese.
Zyrtarët thanë se nuk është ende e qartë nëse kundërpërgjigjja e mundshme do të ndodhë në territore jashtë SHBA-së, brenda vendit apo në të dyja, por masat po merren për të gjitha skenarët.
Dy burime të përfshira në planifikimin ushtarak konfirmuan më herët këtë javë se Irani ka një plan të gatshëm për të goditur baza dhe burime amerikane në Lindjen e Mesme nëse situata e kërkon.
Baza dhe burime ushtarake të SHBA-së ndodhen në gjendje gatishmërie të lartë prej muajsh, por pas shpërthimit të konfliktit midis Izraelit dhe Iranit më 13 qershor, shqetësimet janë rritur ndjeshëm. Sipas zyrtarëve amerikanë, ekziston një rrezik real për sulme ndaj interesave amerikane, si nga Irani, ashtu edhe nga grupet aleate të tij në rajon./E.T
