Kolegji Zgjedhor ka rrëzuar kërkesën e Partisë Demokratike lidhur me shpalljen të pavlefshme të rezultatit zgjedhor për qarkun e Shkodrës.
PD kërkoi rrëzimin e tabelës përfundimtare përmbledhëse të rezultatit zgjedhor në këtë qark, duke argumentuar se procesi ka qenë i manipuluar dhe i ndikuar në mënyrë të jashtëligjshme nga pushteti.
Koalicioni Partia Demokratike – Aleanca për Shqipërinë Madhështore siguroi në Shkodër 5 mandate, ndërsa Partia Socialiste 4 mandate.
Kolegji Zgjedhor gjatë ditës së sotme ka shqyrtuar kërkesën e PD-së dhe për qarkun e Beratit duke e rrëzuar gjithashtu. Po ashtu, Partia Demokratike ka kërkuar shpalljen të pavlefshme dhe të rezultatit zgjedhor për Vlorën, vendim që pritet të merret më 26 qershor. m.p.
