Milani po e rindërton mesfushën, pasi dëshiron të sjellë tre transferime në këtë repart për sezonin e ardhshëm.
Klubi ka shtuar përpjekjet në orët e fundit, duke mbajtur kontakte me të gjitha palët e përfshira në transferimin e Samuele Ricci nga Torino, sipas Fabrizio Romano.
Negociatat janë duke u zhvilluar gjithashtu me dyshen shqiptare Granit Xhakën nga Bayer Leverkusen dhe Ardon Jasharin nga Club Brugge, duke sinjalizuar një ndryshim të madh në qendër të fushës.
Marrëveshja me Riccin, e cila ka përparuar që nga dhjetori, mbetet prioritet, me Milanin që vazhdon diskutimet aktive pavarësisht dallimeve në vlerësim.
Xhaka ka një marrëveshje në parim deri në vitin 2028, plus një opsion për zgjatje.
Edhe Jashari, gjithashtu shqiptar me pasaportë zvicerane dhe pjesë e Kombëtares së Zvicrës, shihet si një mesfushor 22-vjeçar me perspektivë të madhe.
Milani synon të finalizojë të paktën një nga këto lëvizje sa më shpejt, ndërsa merkatoja e verës po hyn në fazën vendimtare.
Në të njëjtën kohë, klubi po shqyrton edhe disa alternativa të tjera në rast se ndonjë nga këto pista nuk realizohet./ D.C
