Legjenda e futbollit botëror, Luis Figo, ka përmendur një lojtar jo edhe aq popullor si fitues të mundshëm të Topit të Artë. Sipas tij, kandidat potencial është Vitinha pas sezonit që ka kaluar me PSG.
“Së pari, nuk mendoj se Kupa e Botës për Klube ka ndikim te ky trofe individual”, ka thënë Figo për gazetën spanjolle AS.
“Ka disa lojtarë që e meritojnë. Nuk ka rëndësi mendimi im, por vota e atyre që votojnë. Mua më pëlqejnë lojtarë si Lamine Yamal dhe Vitinha. Ky i fundit ka fituar gjithçka këtë sezon. Edhe Dembele, në fakt”.
“Dembele është në listë, ashtu si edhe Vitinha. Kanë shanse për të fituar. Uroj ta fitojë një lojtar që shpërblehet për sezonin që ka kaluar”. m.p.
