Tirana dhe qytetet fqinje kanë përjetuar ditët e fundit momente frike dhe paniku për shkak të aktivitetit të moderuar sizmik, me tërmete deri në 4.4 rihter, të cilët kanë rikthyer në kujtesën e banorëve kryeqytetas historinë tragjike të Nëntorit 2019.
Nisur nga kjo, Drejtoria e Përgjithshme e MZSH-së ka ndarë disa këshilla të rëndësishme se si të reagojmë ndaj një tërmeti, përfshirë ruajtjen e qetësisë dhe mënyrën e lëvizjes për të mbrojtur veten dhe të tjerët:
1. Ruaj Qetësinë
• Mos u paniko. Paniku të bën të marrësh vendime të rrezikshme.
• Frymëmarrje e thellë. Merr frymë ngadalë për të qetësuar veten.
• Fokusohu në veprime të thjeshta dhe të sigurta.
2. Çfarë të bësh Gjatë Tërmetit (nëse je brenda)
• Pozicioni “Ulu, Mbulo, Qëndro”
• Ulu në gjunjë për të mos humbur ekuilibrin.
• Mbulo kokën dhe qafën me krahë ose çantë.
• Qëndro nën një tavolinë të fortë ose pranë një muri të brendshëm.
• Mos dal jashtë gjatë tërmetit!
• Lëvizja jashtë ndërtesës është shumë e rrezikshme për shkak të rënies së tullave, xhamave apo fasadës.
3. Nëse je në një ndërtesë me shumë kate
• Qëndro larg dritareve dhe objekteve që mund të bien.
• Mos përdor ashensorin. Shkallët janë më të sigurta vetëm pasi të ndalojë tërmeti.
4. Nëse je jashtë
• Largoju nga ndërtesat, pemët, shtyllat elektrike dhe gjithçka që mund të bjerë.
• Qëndro në një hapësirë të hapur deri sa të ndalojë lëkundja.
5. Nëse je në makinë
• Ndal makinën në një vend të sigurt, larg urave dhe ndërtesave.
• Qëndro brenda makinës deri sa të ndalojë tërmeti.
6. Si të lëvizësh pas tërmetit
• Ec ngadalë dhe shiko për dëmtime në dysheme apo rrugë.
• Mos prek telat elektrikë apo objekte të rrëzuara.
• Nëse ndodhet një dalje e sigurt, lëviz drejt saj vetëm kur është e qartë se nuk ka rrezik tjetër.
7. Mbaj një çantë emergjence
• Lamba dore
• Ujë
• Ushqim i thatë
• Maska, doreza
• Mjetet e ndihmës së parë
• Karikues portativ
Në çdo rast nevoje shërbimi zjarrfikës është në shërbimin tuaj 24/7 ditët e javës; drejtohu në çdo rast ndihme në numrat e tel: 127, 128, 112. m.p.
