Presidenti amerikan Donald Trump, kohët e fundit po përmend Serbinë dhe Kosovën pothuajse në çdo konferencë për media, sa herë që flet për vendimet e tij që lidhen me politikën e jashtme amerikane dhe konfliktet nëpër botë.
Edhe sot, ka thënë se ka punuar shumë dhe nuk e dinte nëse ka ndonjë president të SHBA-së që ka punuar më shumë se ai. Menjëherë pas kësaj, Trump ka përmendur Serbinë dhe Kosovën, duke thënë se kishte rrezik që të ndodhte një luftë e madhe.
Presidenti amerikan, ka thënë se ka kërcënuar Serbinë me ndalje të tregtisë me Shtetet e Bashkuara të Amerikës, pasi kishte rrezik që shteti serb ta sulmonte Kosovën dhe të ndodhte një “luftë e madhe”. Sipas tij, pas kësaj ata ishin zmbrapsur.
“Kemi bërë shumë punë. Nuk e di nëse ka ndonjë president që ka punuar më shumë se unë. Serbia, Kosova, do të shkonin drejt saj, do të ishte një luftë e madhe.
Unë thash që nëse ndodh kjo, ju nuk do të bëni tregti me SHBA-në. Dhe ata thanë që, shiko, ndoshta nuk do të shkojmë drejt asaj. Kjo ndodhi edhe me Indinë dhe Pakistanin”, ka thënë Trump, raporton Express. m.p.
