Brad Pitt, ka zbuluar se nuk ka mundur të flejë për 36 orë pas përvojës së tij pas timonit të një makine “McLaren” të Formula 1 të vitit 2023 gjatë xhirimeve të filmit shumë të pritur, “F1: The Movie”.
Filmi, i vendosur në sfondin e sezonit të vërtetë të Formula 1 dhe i xhiruar në pista duke përfshirë Silverstone, Monza dhe Abu Dhabi, synon të ofrojë një përvojë kinematografike të pakrahasueshme shpejtësie.
61-vjeçari luan rolin e një ish-legjende të F1 që rikthehet në aksion, përkrah aktorit britanik në ngritje Damson Idris. Në kast përfshihen edhe Javier Bardem dhe Kerry Condon, ndërsa ekipi i prodhimit përfshin “emra të mëdhenj” si Jerry Bruckheimer dhe Lewis Hamilton, i cili siguron vërtetësinë e projektit. m.p.
