“Mirë se vini në Sinaloan e Re!” Karteli i El Chapos hap “portat e ferrit”…

113 563 lexime

124,178FansaPëlqeje

Një valë e re dhune brutale ka përfshirë kryeqytetin e Sinaloas në Meksikë, ku autoritetet zbuluan katër trupa të varur nga një urë në dalje të qytetit, ndërsa kokat e tyre u gjetën në një qese plastike aty pranë.

Në të njëjtën autostradë, policia zbuloi një furgon me 16 viktima të tjera, të gjithë meshkuj me plagë nga armët e zjarrit, një prej tyre pa kokë.

Sipas prokurorëve të shtetit të Sinaloas, pranë trupave u la një shënim kërcënues që, megjithëse i pakuptueshëm në pjesë të tij, mbante mesazhin tronditës: “Mirë se vini në Sinaloan e re.”

Masakra lidhet me luftën e brendshme mes dy fraksioneve të fuqishme të Kartelit të Sinaloas: Los Chapitos, të udhëhequr nga djemtë e Joaquín “El Chapo” Guzmán, dhe grupi rival La Mayiza. Që nga shtatori i vitit të kaluar, qyteti është kthyer në një arenë lufte pas rrëmbimit të një lideri të La Mayizës nga një nga djemtë e El Chapos dhe dorëzimit të tij tek autoritetet amerikane, shkruan A2 CNN.

Banorët jetojnë nën frikën e përhershme, trupat e pajetë gjenden pothuajse çdo ditë, bizneset mbyllen, shkollat ndërpresin mësimin dhe të rinjtë të maskuar patrullojnë me motorë në rrugët kryesore.

Në një përpjekje të dëshpëruar për të fituar luftën, Los Chapitos janë bashkuar madje me ish-armikun e tyre, Kartelin e Jalisco Nueva Generación, duke i dhënë territore në këmbim të armëve dhe parave.

Një anëtar i lartë i Kartelit të Sinaloas e përshkroi situatën: “Los Chapitos po mbyteshin, nuk e përballonin më presionin. Lufta djeg miliona çdo ditë.”

Sipas ekspertëve, kjo aleancë mund të ketë pasoja të rënda për zinxhirët globalë të trafikut të drogës. Vanda Felbab-Broën nga Brookings Institution tha: “Është njësoj sikur bregu lindor i SHBA-së të shkëputej gjatë Luftës së Ftohtë dhe të bashkohej me Bashkimin Sovjetik.”

Lexo edhe :  Kinë-India, ka luftë

Autoritetet lokale pranojnë se dhuna ka dalë jashtë kontrollit, ndërsa ushtria dhe policia përpiqen të rivendosin rendin në Sinaloa. m.p.

Të fundit

Postieri i shpëton goditjes nga rrufeja “për një fije floku”, publikohen pamjet

Një postier në SHBA ishte me fat pasi rrufeja goditi vetëm disa milimetra larg tij gjatë një prej shpërndarjeve...

Rilindja Urbane 2 në Pogradec: kthim në normalitet apo pranim i anormalitetit?

Nga Shpëtim Luku Rilindja Urbane 2 në Pogradec u konkretizua së fundmi me një aksion të IKMT-së për çlirimin e trotuarit përgjatë shëtitores "Dëshmorët e...

Princ Leka drejt martesës së dytë, çifti planifikojnë ceremoni private!

Vera ka nisur edhe për Princ Lekën dhe familjen e tij. Në rrjetet e tij sociale, ka qenë vetë trashëgimtari i fronit që na...

Sa tatim paguajnë shqiptarët mbi pagat dhe shtëpitë?

Tatimi që arka e shtetit ka mbledhur nga të ardhurat e krijuara nga qytetarët shqiptarë përmes pagave dhe nga shitja e shtëpive, është zëri...

Tenda, pedana e struktura betoni/Vijon në Durrës aksioni për lirimin e hapësirave publike

Edhe pse fundjavë, strukturat e IMT-së vendore, Policia Bashkiake dhe struktura të tjera në varësi të Bashkisë Durrës kanë vijuar aksionin për lirimin e...

Lajme të tjera

Web TV