Kryeministri Edi Rama zhvilloi pasditen e sotme një takim me deputetët e PS-së, aktualë dhe ata të dalë nga zgjedhjet e 11 majit, si dhe të gjithë drejtorët e Bashkisë së Tiranës.
Burime për mediat bëjnë me dije se gjatë takimit me dyer të mbyllura, Rama ka listuar porositë për deputetët socialistë, teksa nuk ka paraqitur asnjë ankesë.
Mësohet se kreu i ekzekutivit ka kërkuar nga deputetët, që këta të fundit të jenë prezentë në terren me qytetarët, me qëllimin identifikimin e problemeve me të cilat ata përballen. Lidhur me këtë, Rama iu ka vendosur një afat prej dy javësh për të dalë në terren, e më pas deputetët do t’i raportojnë problemat e qytetarëve në një tjetër takim të ardhshëm me kreun e qeverisë.
Ndërkohë, bëhet me dije se për Tiranën, Rama nuk ka shprehur pakënaqësi, teksa ka theksuar se nuk si Vlora, pasi është shprehur se në qytetin bregadetar ka parë gjëra që nuk shkojnë.
“Nuk kam ankesa për ju. Duhet të ndaheni në grupe pune në terren për te parë problematikat. Kujdes në problemet e zënies së trotuareve, Tirana s’mund të bëhet si Vlora. IMT dhe INUK duhet të jenë në lartësinë e duhur”, ka thënë Rama. m.p.
