Teksasi po përjeton një nga përmbytjet më shkatërruese të dekadave të fundit, me të paktën 27 të vdekur dhe mbi 20 persona të zhdukur. Tragjedia ka prekur rëndë edhe kampin pushimor “Mystic”, ku humbën jetën dy vajza të mitura, Renee Smajstrla, 8 vjeçe, dhe Janie Hunt, 9 vjeçe, pasi u morën nga përmbytjet e rrëmbyeshme të lumit Guadalupe.
Mes viktimave raportohen edhe fëmijë të tjerë dhe drejtues të kampit, ndërsa ekipet e kërkim-shpëtimit vazhdojnë operacionet intensive në zonat e goditura. Autoritetet vendore konfirmuan se ende ka persona të bllokuar ose të zhdukur, ndërsa situata mbetet kritike.
Në një deklaratë publike, Presidenti amerikan Donald Trump e përshkroi situatën si “të tmerrshme” dhe “thellësisht shqetësuese”, duke ofruar ngushëllime për familjet e viktimave dhe duke bërë thirrje për angazhim të plotë të institucioneve federale në mbështetje të shtetit të Teksasit./E.T
