Një punëtor është aksidentuar rëndë ditën e sotme në zonën e Ranës së Hedhur në Shëngjin, teksa ishte duke punuar në një kantier ndërtimi.
Sipas burimeve paraprake, ngjarja ka ndodhur gjatë orarit të punës dhe punëtori ka mbetur i plagosur rëndë.
Pas ngjarjes, ai ka marrë ndihmën e parë në spitalin e Lezhës, por për shkak të gjendjes së rënduar shëndetësore është transportuar me urgjencë në Spitalin e Traumës në Tiranë për trajtim të specializuar.
Në vendngjarje kanë mbërritur forcat policore dhe grupi hetimor, të cilët kanë nisur hetimet për të sqaruar rrethanat e aksidentit dhe për të verifikuar nëse janë respektuar masat e sigurisë në punë. m.p.
