Kryeministri Edi Rama ka pritur në aeroportin e Rinasit presidentin e Emirateve të Bashkuara Sheikh Muhammed Bin Zayed. Ai ka mbërritur në Tiranë mbrëmjen e së mërkurës. Lajmin e ka ndarë në rrjetet sociale kryeministri Edi Rama i cili e cilëson atë mik të Shqipërisë dhe shqiptarëve.
“Mirëmëngjes dhe me mbërritjen mbrëmë në Shqipëri të një miku të vjetër e të shtrenjtë të popullit shqiptar, këtej e andej bjeshkëve, ju uroj një ditë të mbarë”, shkruan Rama.
Kjo është hera e dytë që presidenti i Emirateve të Bashkuara Sheikh Muhammed Bin Zayed viziton vendin tonë.
Në shkurt të këtij viti ai u prit me ceremoni shtetërore te Pallati i Brigadave, në Tiranë./kb
