Edi Rama është në kushte aq komode në pushtet, saqë ka shumë kohë që bën edhe rolin e opozitarit. Kryeministri është fatlum, sepse e di që Shqipëria nuk ka opozitë.
Ai shfaqet vetë përpara kamerave dhe thotë: “Universitetet shqiptare japin diploma dhe doktoratura në tym. Janë vendi i kopjimit”. Thotë edhe se “është bërë nami nga zaptimi i hapësirave publike”. Thotë edhe se “drejtorët dhe administratorët bashkiakë janë konsumuar, kështu që duhet t’i heqim”. Shkurt, në Shqipëri, kryeministri bën opozitën, sepse në këtë vend nuk ka opozitë.
Nëse PD do të ishte një parti që kërkon realisht rrotacionin, nuk bëhet si me qenë emision investigativ duke treguar gjërat që nuk shkojnë në këtë vend, por vetëpastrohet, reformohet dhe u tregon shqiptarëve sa dinjitoze është alternativa opozitare. PD nuk e bën këtë. Vijon të ruajë azilin e pleqve demokratë dhe duket si bunkerët e Enver Hoxhës. PD është Sali Berisha dhe nja 2-3 shokë të tij. m.p.
