Ergys Agasi është paraqitur sot në Prokurorinë e Posaçme, por hyrja e tij ka shkaktuar më shumë të qeshura se sa kuriozitet për arsyen pse është thirrur.
Në një video që po bën xhiron e rrjetit, Agasi shihet teksa mbërrin përpara godinës së SPAK-ut dhe, nga emocionet ose frika, ngatërron derën. Në vend që të hyjë në hyrjen e Prokurorisë, ai futet në një derë tjetër, duke krijuar një situatë komike që rrjeti nuk ia ka falur.
‘Kur të thërret SPAK-u, i sheh të gjitha dyert njësoj’, shkruajnë komentuesit në rrjet.
Ndërkohë, nuk dihet ende pse është thirrur Agasi nga SPAK. Më herët atij iu kontrollua banesa dhe iu sekuestrua telefoni celular në kuadër të një hetimi.
Por sot, përtej hetimeve, videoja e tij është bërë kryefjala e rrjeteve./e.t
