Kryebashkiakja e Roskovecit, Majlinda Bufi, është paraqitur për herë të tretë në Prokurorinë Speciale kundër Korrupsionit dhe Krimit të Organizuar (SPAK), ku po zhvillohet një hetim ndaj saj.
Gjatë paraqitjes në godinën e SPAK ajo ka ngatërruar edhe derën, duke u futur fillimisht në hyrjen e GJKKO, para se të dilte sërish për të shkuar drejt hyrjes së prokurorisë.
Bufi është paraqitur para prokurorëve edhe në maj e qershor.
Majlinda Bufi është kallëzuar në SPAK nga PD për dy vepra penale “Shpërdorim detyre” dhe “Kanosje apo dhunim ndaj pjesëmarrësve në zgjedhje”.
Sipas kallëzimit, kryebashkiakia ka kryer me dashje dhe personalisht gjatë fushatës zgjedhore shkelje të rënda kundër punonjësve të administratës publike për t’i penguar ata të votojnë lirisht, shkelje si kërcënime, presione dhe shantazhe./e.t
