Në periferi të Tiranës, Kryeministri Edi Rama mbledh sot kabinetin qeveritar në një mbledhje të formës “retrat” me fokus realizimin e objektivave dhe reformave të nisura në terren.
Kabineti qeveritar do të raportojë lidhur me ecurinë në sektorin përkatës dhe për përmbushjen e detyrave të ngarkuara nga Kryeministria.
Mbledhja vjen në vijim të operacioneve për lirimin e hapësirave të zëna në mënyrë të paligjshme dhe në kushtet kur ka nisur reformimi i të gjitha njësive të qeverisjes vendore.
Sipas burimeve, Rama synon që mandatin e katërt ta drejtojë përmes një faze të re zhvillimi dhe reformash në territor, me fokus Shqipërinë Evropiane.
Në këtë linjë, pritet që brenda pak javësh Partia Socialiste të mbledhë strukturat më të larta për të formalizuar drejtimin e ri politik të qeverisë./e.t
