Një vatër zjarri ka rënë në pyllin në fshatin Lybeshë, në Njësinë Administrative Vërtop, në Poliçan. Mësohet se flakët kanë rënë në një sipërfaqe të pyllit dhe më pas janë përhapur me shpejtësi, duke u favorizuar nga erërat dhe temperaturat e larta.
Burime për mediat bëjnë me dije se në ndihmë të zjarrfikësve të qytetit të Poliçanit, janë nisur edhe nga qyteti i Beratit dy mjete zjarrfikëse dhe 7 efektivë.
Gjithashtu drejt zonës së zjarrit janë nisur edhe dy fuoristrada të PMNZSH-së Berat, pasi mjetet e tjera e kanë të pamundur të futen në zonë, për shkak të terrenit të vështirë malor dhe mungesës së rrugëve.
Mësohet se situata është vënë në kontroll dhe flakët janë lokalizuar, por ka ende disa vatra të vogla të ndezura të cilat mund të riaktivizohen. m.p.
