Ish i dërguari i SHBA-ve për Kosovën, Richard Grenell, ka theksuar nëpërmjet një postimi në rrjetet sociale se “është shumë e turpshme” që Hashim Thaçi po mbahet ende në burg.
“Jack Smith (po, ai) arrestoi Thaçin në vitin 2020 kur Donald Trump po punonte për marrëveshjen Kosovë-Serbi. Është shumë e turpshme që ai është ende në burg. Është një mashtrim. Haga është e prishur”, ka shkruar ai.
Reagimi i Grenell erdhi pas një interviste të ish-presidentit Hashim Thaçi për një emision në Klan Kosova.
Thaçi shprehej gjatë intervistës se “Rikthimi i Presidentit Trump paraqet mundësi të re të artë për Kosovën dhe të gjithë Ballkanin Perëndimor. Trump është i përcaktuar për paqe dhe bashkëpunim mes popujve”.
Kujtojmë se më 15 shtator në Dhomat e Specializuara të Kosovës në Hagë do të nisë paraqitja e provave nga ana e mbrojtjes së ish-presidentit të Kosovës, Hashim Thaçi dhe krerëve të tjerë të UÇK-së./e.t
