Një avion luftarak amerikan F-35C u rrëzua të mërkurën pranë Stacionit Ajror Detar Lemoore në Kaliforni, rreth orës 18:30, sipas një deklarate të Marinës.
Piloti arriti të hidhej në mënyrë të sigurt dhe u ndihmua menjëherë nga shërbimet emergjente në vendngjarje. Pamjet nga zona tregojnë tym të dendur dhe flakë që ngriheshin nga një fushë pranë bazës, rreth 64 km në jugperëndim të qytetit Fresno.
Avioni ishte një F-35C, varianti i Marinës për përdorim në aeroplanmbajtëse, me vlerë rreth 100 milionë dollarë. Shkaku i rrëzimit është ende nën hetim./e.t
