Një incident i rëndë me tone nacionaliste dhe gjuhë të urrejtjes ndaj shqiptarëve ndodhi gjatë ndeshjes parakualifikuese për Kampionatin Botëror të basketbollit mes Maqedonisë së Veriut dhe Rumanisë, sfidë kjo e mbajtur të shtunën në qytetin e Kumanovës.
“Le ta kuptojnë shqiptarët e mallkuar, emri maqedonas nuk do të zhduket. Maqedoni e pastër, e pastër, e pastër”- ishin disa nga thirrjet që dëgjoheshin.
Federata Ndërkombëtare e Basketbollit (FIBA) nuk ka qëndruar “duarkryq” dhe ka nisur një hetim në lidhje me rastin.
“Në këtë fazë, jemi duke mbledhur raportet dhe deklaratat përkatëse, duke punuar në përputhje të ngushtë me federatat kombëtare të përfshira, si dhe me autoritetet lokale dhe forcat e rendit,” tha FIBA. Ky episod nuk është aspak i rastësishëm, pasi është hasur edhe herë të tjera./e.t
