Dy vëllezër të kërkuar nga drejtësia shqiptare, Interpol Roma i arreston

113 563 lexime

124,178FansaPëlqeje

Dy vëllezër të shpallur në kërkim për disa vepra penale, janë lokalizuar dhe arrestuar në Itali si rezultat i bashkëpunimit të ngushtë të Policisë së Shtetit me partnerët e Interpol Romës. Ata ishin në kërkim ndërkombëtar.

Si rezultat i sigurimit të informacionit nga Departamenti i Policisë Kriminale në Policinë e Shtetit dhe i shkëmbimit të tij, në kohë reale nëpërmjet Interpol Tiranës, me Policinë italiane, janë lokalizuar dhe kapur në Itali dhe janë arrestuar me qëllim ekstradimin në Shqipëri:

– Erion Hoti alias Erion Lamallari, 35 vjeç. Gjykata e Durrësit, në muajin janar 2022, i ka caktuar këtij shtetasi, masën e sigurisë “Arrest në burg”, për veprat penale “Vjedhja me dhunë” dhe “Përkrahja e autorit të krimit”.

Ai akuzohet se në bashkëpunim me disa shtetas të tjerë, më datë 07.02.2021, ka vjedhur me dhunë, një automjet, një shumë parash dhe një celular, në ambientet e një fabrike qumështi. Gjithashtu, ka ndihmuar të fshihej shtetasin H.H, i shpallur në kërkim për veprën penale “Ndihma për kalim të paligjshëm të kufijve”;

– Klodian Hoti, 31 vjeç. Gjykata e Dibrës, në muajin korrik 2020, e ka dënuar këtë shtetas me 4 vjet e 4 muaj burgim, për veprën penale “Kultivimi i bimëve narkotike”.

Në vitin 2019, shtetasi K. H. është kapur në flagrancë brenda një sere në Martanesh, ku kishte kultivuar fidanë narkotikë në 1324 gota plastike. Nga dënimi, këtij shtetasi i kanë mbetur për të vuajtur dhe 1 vit, 6 muaj e 15 ditë.

Interpol Tirana dhe Interpol Roma po kryejnë procedurat për ekstradimin e këtyre shtetasve, në Shqipëri. m.p.

Të fundit

Shokohet Sanremo, një 41-vjeçar shqiptar sulmon dy infermiere

Dy infermiere u sulmuan dhunshëm mbrëmë në urgjencën e spitalit nga një burrë i dehur. Agresori është një shtetas...

Viti i ri arsimor, Rama: 30 shkolla të reja hapin dyert nga 8 shtatori

30 shkolla të reja do të hapin dyert nga 8 shtatori. Lajmin e jep kryeministri Edi Rama. Ai thotë se këto shkolla do të...

Liza Laska, nëna e dhembshur e skenës shqiptare

Nga Leonard Veizi Mëngjesi i 31 gushtit 2014 zbriti i rëndë mbi artin shqiptar, si një perde zije që mbuloi skenën e kujtesës sonë. U...

Nis faza e dytë e regjistrimeve në Universitetin e Tiranës, zgjat vetëm 48 orë

Universiteti i Tiranës ka hapur sot fazën e dytë të regjistrimeve për vitin akademik 2025–2026. Sipas një njoftimi të publikuar në rrjetet sociale, faza II...

New York Times: Izraeli tentoi të vrasë presidentin iranian

Sipas një raporti të The New York Times, Izraeli tentoi të vrasë presidentin iranian Masoud Pezeshkian dhe disa zyrtarë të lartë politikë disa ditë...

Lajme të tjera

Web TV