E vërteta dramatike është se në Gaza vazhdohet të vdesin. Vetëm gjatë ditës së djeshme kanë qenë të paktën 66 viktima të sulmeve ajrore të IDF në të gjithë Rripin. Mes tyre të paktën dy fëmijë të vrarë me nënën e tyre dhe 13 persona në radhë në pritje të ndihmave, të cilëve u shtohen të paktën 7 gazanë të goditur nga uria dhe kequshqyerja.
Tragjedisë së përditshme në terren i shtohet një element i ri politik shkatërrues: qeveria izraelite është gati të marrë kontrollin administrativ të disa pjesëve të Bregut Perëndimor, kryesisht atyre ku është më i lartë përqendrimi i kolonëve, duke fshirë edhe thjesht hipotezën e një shteti palestinez. Një goditje që vjen pas miratimit të ndërtimit të kolonisë së re E1 që do të ndajë në dysh Bregun Perëndimor.
Zbulimi i zymtë vjen nga faqja amerikane e lajmeve Axios, sipas së cilës qeveria izraelite po vlerëson seriozisht të aneksojë pjesë të Bregut Perëndimor. Qëllimi thuhet se tashmë u komunikuar disa qeverive evropiane dhe në një telefonatë të ministrit të Jashtëm Gideon Sa’ar me sekretarin amerikan të Shtetit Marco Rubio. Thuhet se bëhet fjalë për një kundërpërgjigje ndaj njohjes së afërt të Palestinës nga disa vende perëndimore në margjinat e Asamblesë së Përgjithshme të OKB që do të hapet në Nju Jork më 9 shtator, me shtysën e Francës së Emmanuel Macron. Pikërisht si kundërpërgjigje ndaj kësaj nisme politike, Shtetet e Bashkuara kanë tërhequr vizat e dhjetëra funksionarëve palestinezë, përfshirë atë të presidentit të AP Abu Mazen, duke shkaktuar reagimin e Bashkimit Evropian, i cili ka kërkuar anulimin e masës.
Ndërkohë dje kryeministri Benjiamin Netanyahu mblodhi qeverinë në një vend sekret për shkak të kërcënimit të kundërpërgjigjeve nga Houthit pas vrasjes – të enjten e kaluar – të kryeministrit, dhjetë ministrave dhe disa funksionarëve të qeverisë së rebelëve jemenas në një sulm ajror të kryer nga IDF. Kabineti izraelit përsëriti se nuk do ta pranojë armëpushimin e përkohshëm, hipotezë e pranuar ndërkohë nga Hamasi. Miratim të cilit Izraeli nuk i ka dhënë kurrë një përgjigje. Pra, vijon pushtimi i qytetit të Gazës, ku banojnë rreth një milion palestinezë.
Sipas mediave amerikane, presidenti Donald Trump nuk po e kundërshton planin e Netanyahut për të pushtuar Rripin e Gazës, por po i kërkon kryeministrit izraelit të ndërpresë shpejt operacionet ushtarake në veri të Gazës, të cilat, sipas shtetit hebre, duhet të çojnë në humbjen përfundimtare të Hamasit. Presidenti amerikan ka sugjeruar një vonesë prej dy javësh. “Trump beson se Hamasi nuk do t’i kthejë të rrëmbyerit: do t’i përdorë për të mbijetuar – ka zbuluar Channel 12 duke cituar një burim të kualifikuar – dhe e ka të vështirë të kuptojë pse nuk mund të thyhet Hamasi në kohë të shkurtër”.
Ndërkohë, në Jemen, Houthit kanë hyrë me forcë në zyrat e Programit Botëror të Ushqimit, duke arrestuar 11 zyrtarë të agjencisë së OKB-së.
