Ministri Jashtëm, Gent Cakaj ka zhvilluar së fundmi një video-konferencë me homologun grek, Miltiadis Varvitsiotis. Nëpërmjet një postimi në Facebook, Cakaj ka ndarë edhe detaje nga takimi me homologun grek.
Cakaj shkruan, se me Varvitsiotis kanë bioseduar në lidhje me rëndësinë e bashkëpunimit mes kryesive të dy vendeve, në shërbim të lartësimit të vlerave të përbashkëta, në rrethanat e shkaktuara nga COVID-19. Njëkohësisht, dy ministrat folën edhe për thellemin e mëtejshëm të bashkëpunimeve në procesin e integrimit europian.
Postimi i plotë
Sapo zhvilluam një video konferencë të vyer me Ministrin Alternat në Ministrinë e Punëve të Jashtme të Greqisë, z. Miltiadis Varvitsiotis ! Shqipëria dhe Greqia aktualisht janë kryesuese të dy organizatave shumë të rëndësishme për mbrojtjen e të drejtave themelore e promovimit të demokracisë: Organizatës për Siguri dhe Bashkëpunim në Evropë (OSBE) dhe Këshillit të Evropës.
Biseduam për rëndësinë e bashkëpunimit mes kryesive tona në shërbim të lartësimit të vlerave të përbashkëta në rrethanat e shkaktuara nga pandemia COVID19. Natyrisht, krahas angazhimeve të përbashkëta në rrafshin e diplomacisë shumëpalëshe, u pajtuam edhe për të thelluar më tutje bashkëpunimin tonë në procesin e integrimit evropian. Ka.Li/fjala.al
