Crystal Palace dhe Arsenal kanë luajtur sot në atë që quhet derbi londinez, që u mbyll në paqe me rezultatin 1-1.
Arsenali i shqiptarit Granit Xhaka e nisi mirë takimin dhe vetëm në minutën e 12-të zhbllokoi rezultatin duke shënuar me anë të Pierre-Emerick Aubameyang.
Asisti i Lacazette e ndihmoi sulmuesin nga Gaboni që t’i jepte përparësi skuadrës së tij, e cila vazhdoi sulmet.
Fraksioni i parë i kësaj përballje u mbyll me këtë rezultat dhe Arsenali u duk se mund të merrte edhe fitoren e derbit londinez. Ndonëse, Xhaka nuk pati performancën e tij më të mirë dhe nuk ka arritur që të shënojë, u duk se skuadra e tij po fitonte.
45-minutshi i dytë solli një ndryshim të lojës, pasi në minutën e 54-të Jordan Ayeë shënoi për skuadrën e Crystal Palace duke barazuar rezultatin.
Kapiten i Arsenal u përjashtua nga loja , pasi bëri një ndërhyrje të ashpër ndaj Meyer duke e ulur numrin e lojtarëve të skuadrës së trajnerit Mikel Arteta.
Kjo ndeshje bëri që “Topçinjtë” të mbyllin të katërtën ndeshje radhazi pa fitore, ndërsa Crystal Palace me këtë barazim ndodhet në vendin e nëntë të kategorisë me 29 pikë, një pikë më shumë se Arsenal./Fjala.al/
