Si kundërpërgjigje e paketës anti-shpifje, televizionet kanë vendosur të bojkotojnë seancën e sotme plenare në Kuvend. Sot pritet që të miratohet paketa anti-shpifje ndërkohë që ka nisur edhe një protestë kundër këtij projektligji ku është fokusuar gjithë vëmendja e mediave.
Teksa kreu i Grupi të PS mori fjalën, disa media nisën ta transmetonin duke menduar se do fliste për paketën por sapo u kuptua se Balla nuk kishte në plan ta diskutonte, televizionet ndërprenë transmetimin.
Pavarësisht kundërshtive, qeveria duket e vendosur për ta miratuar sot këtë paketë që bie ndesh me lirinë e medias. Kanë qenë të shumtë gazetarët dhe mbështetësit e tyre të cilët kanë zbritur sot para Parlamentit, aty ku deputetët kanë nisur në orën 10:00 seancën plenare./Fjala.al/
