Një grua u sulmua nga dhjetëra pulëbardha teksa po shkonte me shoqen për të ngrënë dy pjata me patate të skuqura në breg të detit.
Monique Sveinsson, 46 vjeç, nga Cambridge ishte në një pushim të shkurtër me shoqen e saj Emma Wilshaw kur ajo u sulmua nga pulëbardhat e uritura në plazhin e Brighton një ditë më parë.
Nëna e dy fëmijëve deklaroi se si zogjtë agresivë qarkullonin sipër saj përpara se të sulmonin atë dhe dy pjatat me patate të skuqura.
Wilshaw filmoi shoqen e saj duke ecur drejt plazhit me guralecë me dy pjata me patate të skuqura në duar ndërsa pulëbardhat fillojnë ta rrethojnë dhe ta sulmojnë.
Pasi zogjtë u “zhyten” në ushqimin e saj, zonja Sveinsson hodhi pjatat me patate të skuqura larg vetes dhe shikonte ndërsa zogjtë përpinë të dy pjatat brenda disa sekondave.
“Unë nuk e di se si ishte reagimi im apo se isha duke u përpjekur që të shmangja pulëbardhat duke bërtitur në plazh, por ata hëngrën patatet e mia”.
Zonja Sveinsson dhe shoqja e saj, e cila pagoi 8 £ për dy porcionet me patate të skuqura, më vonë u kthye përsëri për më shumë ushqim, por këtë herë vendosi të ulet brenda në lokal. la.mi/Fjala.al
