Pas përfundimit të urës së Vashës, pjesë e Rrugës së Arbrit, ka nisur testimi i saj. Disa kamionë të tonazhit të rëndë kanë lëvizur në këtë urë, e cila kalon mbi lumen Mat dhe cilësohet si më e larta në rajon, 152 m.
Ura e Vashës bashkon arterien e rrugës së Arbrit që lidh rajonet lindore dhe verilindore të Shqipërisë duke përmirësuar transportin e banorëve që jetojnë në zonat në të cilën kalon rruga si dhe siguron transportin e burimeve natyrore nëntokësore siç është kromi nga Bulqiza për në portin e Durrësit, i cili më pas eksportohet.
Gjithashtu ky aks rrugor do të jetë rruga më e shkurtër që lidh Tiranën me Dibrën, si dhe me veriun e Maqedonisë, Dibrën e Madhe, Tetovën dhe Shkupin, pra do të jetë rrugë lidhëse ndërkombëtare. Ka.Li/fjala.al
