Tre persona të dënuar për drogë dhe vjedhje me armë, duhet të japin “llogari” për pasurinë e tyre para Operacionit Forca e Ligjit.
Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë:
-Artur Guri, banues në Tiranë, i dënuar në Turqi për veprën penale “Eksportimi i drogave”, parashikuar nga legjislacioni penal i Turqisë;
-Elton Andreica (Muça), banues në Tiranë, i dënuar për veprën penale “Vjedhja me armë”;
-Dylber Adema, banues në Kukës, i dënuar për veprën penale “Trafikimi i Narkotikëve”.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme./Bl.Ba/Fjala.al
