Ministrja e Mbrojtjes, Olta Xhaçka i ka bërë apel qytetarëve të cilët prej katër ditësh janë në radhë për të kaluar Kakavijën, që të kthehen në banesat e tyre. Ministrja ka bërë thirrje që qytetarët e tjerë të mos i drejtohen pikave kufitare me Greqinë deri në normalizimin e situatës.
Mesazhi i Xhaçkës:
Forcat e Armatosura vijojnë të qëndrojnë në Kakavijë për t’i ardhur në ndihmë çdo qytetari që qëndron në radhë, por gjithësecili duhet të jetë i ndërgjegjshëm që këto janë masa të diktuara për parandalimin e COVID-19, nga një shtet tjetër.
Numri i qytetarëve që lejohet të kalojnë është mjaft i kufizuar dhe kalimi i të gjithë atyre që janë aktualisht në radhë fatkeqësisht është i pamundur.
Ndaj, bëjmë thirrje që jo vetëm qytetarët e tjerë të mos drejtohen drejt pikave kufitare me Greqinë, por edhe ata që presin në radhë të kthehen në banesat e e tyre, deri në normalizimin e situatës.
https://www.facebook.com/xhackaolta/posts/3140603792641986
