Jo pak herë u fol se të burgosur që konsiderohen nga media VIP shiheshin nëpër kafenetë e Tiranës jo pak herë. Në fakt emra që përfliten si pjesë e kupolës mafioze në vend, por asnjëherë nuk kishte ndodhur që një i dënuar me disa burgime të përjetshme të dilte aq hapur.
Në fakt ai kishte bërë kërkesë dhe ishte shoqëruar brenda të gjitha kushteve të sigurisë, por fakti që u kap nga një gazetar duket se ka bërë që të reagojë edhe Ministria e Drejtësisë. Nëse gazetari nuk gjendej aty në momentin kur Dritan Dajti kishte zbritur nga furgoni dhe iu kishte drejtuar klinikës private, atëherë asgjë nuk kishte ndodhur nga shefja e dikasterit të drejtësisë, ashtu siç nuk ndodhi asnjëherë në raste të tilla.
Vizita tek okulisti i Dritan Dajtit, të dënuarit me 25 vite burg për vrasjen e katër policëve ngjarje e ndodhur në vitin 2009 në Durrës, i ka kushtuar postin drejtorit të Policisë së Burgjeve Bardhyl Kaçorri, drejtorit të IEVP-së Peqin, Emin Shpata, si dhe shefit të Forcave Operacionale në Drejtorinë e Përgjithshme të Burgjeve, Ferit Mici.
Gjithashtu është shkarkuar nga puna mjeku i të IEVP Peqin, Andi Andoni, ndërsa janë paralajmëruar mjekja e DPB, Ermira Qirinxhi si dhe inspektori i IEVP Peqin, Mefat Shehu.
Drejtuesi kryesor i burgjeve ka thënë se s`ka patur dijeni për lëvizjen e Dritan Dajtit, duke e hedhur përgjegjësinë tek policia e Burgjeve./Fjala.al/
